நூஹ் அலை அவர்களின் வரலாற்றுத் தொடர் : G

🍓🍎🍓🍎🍓🍎🍎🍓🍎🍓🍎

🍓 அஸ்ஸலாமு அலைக்கும் (வரஹ்) 🍓

🌙நபிமார்கள் வரலாறு🌟

 நூஹ் அலை அவர்களின் வரலாற்றுத் தொடர் : G

⛵கப்பல் எங்கே சென்றடைந்தது❓

அக்கப்பல் ஜுதி மலை மீது நிலைகொண்டது.


📚 அல்குர்ஆன்:11:44

முஜாஹித் ரஹ் அவர்கள் கூறுகிறார்கள்:ஜுதி என்பது இப்னு உமர் தீவில் உள்ள ஒரு மலைக்குன்றாகும். இறைத்தூதர் நூஹ் அலை அவர்களின் கப்பல் அதன்மீது தான் நிலை கொண்டது.

ஜுதி என்பது கிழக்குத் துருக்கியில் குர்திஸ்தானில் உள்ள மலைக்குப் பெயராகும்.இது இப்னு உமர் தீவிற்கு வடகிழக்கே அமைந்துள்ளது.அநேகமாகஇதையே 'அரராத்'(Ararat mount) மலை என்று விவிலியம் கூறுகிறது.துருக்கியின் கிழக்கில் 'வான்'(van)எனும் ஏரிக்கு  தென்மேற்கே உள்ள எரிமலை முகடுதான் 'அரராத்' எனப்படுகிறது.இதை துருக்கிய மொழியில் 'அக்ரிடேகி' என்பர். இதன் உயரம் 16,853 அடி(5,137 கி.மீ) ஆகும்.இதுவே துருக்கியின் மிக உயர்ந்த இடமாகும்.
(அல்முன்ஜித்,தஃப்ஸீர் மாஜிதி,பிரிட்டானிகா தகவல் களஞ்சியம்)

நூஹே!(கப்பலிலிருந்து) இறங்குவீராக!

நூஹே!(கப்பலிலிருந்து) இறங்குவீராக! உமக்கும் உம்முடன் இருக்கும் (இறைநம்பிக்கை) கொண்ட சமுதாயங்களுக்கும் நம்மிடமிருந்து சாந்தியும் வளங்களும் பொழியட்டும்!(பிற்காலத்தில் தோன்றும் இறைமறுப்பாளர்களான) சமுதாயங்களுக்கு (சிறிது காலம்) நாம் சுகங்களை வழஙகுவோம் பிறகு நம்மிடமிருந்து வரும் வதைக்கும் வேதனை அவர்களைத் தீண்டும் என்று சொல்லப்பட்டது.

📕 அல்குர்ஆன்:11:48

கதாதா (ரஹ்) போன்றோர் கூறுகிறார்கள்:இறைத் தூதர் நூஹ் (அலை )அவர்களும் அவருடன் இருந்த இறைநம்பிக்கை யாளர்களும் ரஜப் மாதம் பத்தாவது நாள் கப்பலில் ஏறினர்.நூற்றி ஐம்பது நாட்கள் அதில் அவர்கள் பயணம் செய்தனர்.

பின்னர், அந்நக் கப்பல் ஜீதி மலையில் அந்த மக்களுடன் ஒரு மாதம் நின்றிருந்தது. பிறகு முஹர்ரம்மாதம் பத்தாவது நாள் (ஆஷீரா) அன்று அவர்கள் அதிலிருந்து வெளியேரினர்.

இப்னு ஜரீர் (ரஹ்) அறிவித்துள்ள நபிமொழியில் இதைப் போன்றதொரு தகவல் இடம்பெற்றுள்ளது.அத்துடன் அந்த (ஆஷீரா) நாளில் அவர்கள் நோன்பு நோற்றதாகவும் அதில் வந்துள்ளது.
(நூல்:தஃப்ஸீர் தப்ரீ,இது ஒரு 'முர்ஸல் 'வகை (அறிவிப்பாளர் தொடரில் நபித்தோழர் விடுபட்ட) ஹதீஸ் ஆகும்.)

அல்லாஹ் நன்கறிந்தவன்.

இவையெல்லாம் மறைவான செய்திகள் ஆகும்!

(நபியே!) இவை மறைவான செய்திகளில் அடங்கும். இவற்றை நாம் (தான் )உமக்கு அறிவிக்கிறோம். இதற்கு முன்னர் நீரும் உம்முடைய சமூகத்தாரும் இவற்றை அறிந்திருக்கவில்லை.

📒 அல்குர்ஆன் 11:49

📝  முஹம்மது ஃபாயஸ்🏅

🐪🐪🐪🐪🐪🐪🐪🐪🐪🐪🐪

🌴 கியாமத் நாளை நோக்கி 🌴
பதிவு நாள்: 30/ 1 / 17

☂☂☂☂☂☂☂☂☂☂G